Khristo Lobmung

HALLELUIA O KAITOR

Halleluia o Kaitor,

Chwng Nono hambai rw-o.

Halleluia o Subrai,

Chwng Nono lobwi rwchabo

Nwng chwngno hamjakma bai

Nwng chwngno khairokma bai. (2)

1.Nin’ khairokma o swngcharo,

Bwswk se chwng manwi tong;

Pai phlai ya Nini khairokma,

Chwngno Nwng snamma bagwi

Hambai Immanuel Nono

Hambai Kaitor Nono. (2)

2.Pai phlai ya Nini hamjakma,

O Subrai hambai Nono;

Phola k’thar bai twi-dul ja di,

Chwng twi sum gnang borok jano,

Chwng le chuk jay a Nin’ thani

O Subrai chuba ja di. (2)

HAMBAI NONO O CHINI KAITOR

1.Hambai Nono o chini Kaitor,

Chwngsasa nokhani bagwi;

Hambai rw-o, hani borokno

Nwng hamjakmani bagwi.

Sapung hopung, suarirok sal’

Tal- athukrirok lob lai-o

Hachuk twisa, twima twijlang,

Auar naithok tei rangma gnang

Nono lobo.

2. Hambai Nono o chini Kaitor,

Subrai Jisuni bagwi,

Sumsokni majra sago twi-wi,

Kros saka thwimani bagwi.

3. Hambai Nono o chini Kaitor

Nin’ phola kwtharni bagwi,

Hambai rw –o sapung hopung
Chwngno chubamani bagwi.

KHAKCHANGDI BUGRANO KHLUM DI

1.Khakchang di Bugrano khlum di,

Mwthangnaino manwi tong di,

Khakchang di bwkha uanama,

Bugra nono tlangna m’chungo.

Khakchang di, khakchang di,

Jisu chini sumsok su kha.

Chwngno phrwngo surinairok

Sal bai hor bai chwng bai tongo.

Khakchang di, Khakchang di,

Jisu sini sumsok su kha.

2. Chini bagwi Bo’no thwi kha,

Mwthangnaino lob lai Sinai,

Chwngno ringo Bo bai him di,

Khorang k’twi bai chwngno ringo.

3. Ani bwkha lengla gra di,

Abo se lenglamani thai,

Bugra nono twina nai-o

Bini lenglama-o him di.

4. Chukhani Kaitor kok kwthar,

Sal bai hor bai khakchang rw-o,

Ani thawimani yagulo,

Molbrum brum hamari mannai.

O SWNGCHAR JISUNO BWSWK NANG

1.O swngchar Jisuno bwswk nang?

Siyarok ha gwnangwi tongo,

B’rok sumsok mwnago berai-o,

M’thangnaisano siyaui tongo.

O Jisu swngchar Nono nango,

Swngchar gnangwi berai phi di,

Borok sumsokno m’thangma kok,

Nini khuk bai brokno sa di.

2.O Jisu swngchar Nono nango,

Bebak sumsok swngcharo pung kha,

Swngchar naithok tei khamaimani,

Twi tor twi swngchano kobol kha.

3.O Jisu swngchar Nono nango

Bebak hano chwngsa rwnani.

O Jisu swngchar Nono nango

Bebak borok thangnani bagwi.

4.Chwng khristian hwnnairok b’singo bo

Cha ya lama-o k’bangma himo.

O swngcharno chwng hamjak kugo

Swngchar chwng rwna bwswk tukno?