MAI KUMUN

MAI KUMUN

Dn. Abhijit Debbarma

Kheto kwbangma mai kumun ranai borok kwrwi.

Sogwi thangnai kha tabuk raya khe,

Naharwi naiba rana-ni bagwi keboni jora kwrwi.

Bornai borok borwi kwlang kha jora phaitikhe munwi tong kha.

Sabo ranai sabo thumnai?

Nono ano karwi tai sabono sanai?

Muito de man kho? Aal bai phru nokha philigwi aila kuna nokha sommani.

Ulo mai borbai khe nokha gurumui nobar kotor bai watwi phaimani.

Tini nogo tong khe bo maioni jala phataro tongbo satungni jala.

O jaroi tolani mai kumun hachal tongwi naharwi naikhe, nuhuro kormolala.

Phaidi takhuk rok phaidi jotoni bagwi tini no chini mai ranani jora.

Ayang mai kumun tubuna hwnwi nok phangsa tong jao naira naira.

Bono naharwi khapang swrangwi kheto kumun mai rakhai- le

Tini mananw hamari bara.

Tini no chini jora.

Mai nakbawi yakung subawi phataro lelai tong phuru

Bini nok phangsa sungsogo bono bwsong?

Tai bode tong kho, Mai kumun- rok jabra bising basing?

Selengsa sa o swngno nakardi rasuk manliya taibo tong khwna

Borok kwrwi ni jarwi.

Ao, tini jora- bo thang kha salbo hapkha ani seleng sa nogo hapsidi

Khamplai nadi gana achukdi

Phaidi thangsa khe chalai chiwanw bagwi.